TUDO TEM SE LIMITE
Bô papa' ca foi foguêr
Nem tampôc rochegadôr
Nem marinhêr nem catraêr
Nem carpinter nem pêdrêr
Nem pâder nem pescadôr
E nem tambê um catadôr
Dificuldade bô ca conchêl
Pobreza pa bô ê lenda de gente gintil
Bô liberdade bô ca brigal
Bem dzêm'quem bô ê na vida
Pa julga' realidade Dess nôss pais
Pa mode cristôm ta estod calode
E justiça de povo nunca tem voz
La' de bô tribuna bô ta insulta'
E calunia' 'tê Deus na ceu
Ma cma déboxe de ceu tudo tem se limite
Bô pudêr ca ê infinito
O li ê que ê Cabo Verde
Manuel De Novas
